• Куһаҕан мунньуллубута туох аанньа буолуой, кэлин уһукка тиийэн көөнньөн, көстүбэтинэн кыынньан, хаһан, хайдах саҕаламмыта биллибэт улуу аймалҕаннар тураллар. Николай Лугинов
• Куһаҕан син биир дьүөкэт кэриэтэ. Дьүөкэт сыстыбыт сиригэр, төһө да сууйбутуҥ иһин, бээтинэ хайаан да хаалааччы.
• Куһаҕан бастаан сыстыа эрэ кэрэх, ыраастанарыҥ күчүмэҕэй.
• Куһаҕаны үчүгэйинэн кыайыахха наада.
• Куһаҕан өй-санаа, түктэри кэмэлдьи хайаан да содуллаах буолар.
• Сидьиҥ быһыыны, сымыйаны өсөһөн, куттаан кыайбаккын, харса суох охсуһан эрэ кыайыахха сөп.
• Киһини кэтэҕиттэн буруйдуур дөбөҥ.
• Ордук-хоһу саҥарыахпыт диэн, арай чиэһинэйэ суох дьон, кэтэхтэригэр кирдээх санаалаах дьон, куттаналлар.
• Чиэһинэйэ суох киһи, төһө да тупсаҕайдык тутта сатаабытын иһин, төһө да кыларыйан турар кырдьыгы саҥара сылдьыбытын иһин, улахан итэҕэлгэ тиксиэн сатаммат.
• Киһи көнө санаатын, ыраас сүрэҕин итэҕэйбэт диэн баар — саамай ыар буруй.
• Бэйэ үлэтинэн дуоһуйуу, бэйэ итэҕэһин кистии-саба сатааһын — дьэ, ити баар саамай улахан алдьархайбыт.
• Ардыгар сорох киһини кытта, төһө да итэҕэстээҕин билэр эрээригин, ыкса доҕордоһоҕун.
• Бу орто дойдуга ханнык да сыыһа-халты быһыы иэстэбилэ суох хаалбат. Софрон Данилов
• Уон тарбах үлэтин биир ылгын мүлчү тутан кэбиһэн буортулуон сөп.
• Кыараҕас ычалаах эрэйдээх эрэ тугу да улахаҥҥа уурбат.
• Кыараҕас көҕүстээх киһи ордук тэбиэс-өһүргэс буолар.
• Тугу да гыммат баар эбит улахан сылалаах «үлэ».
• Этиһии үксүн ким да иннин биэрбэтиттэн уонна табыгастаах тыл дөбөннүк этиллибэтиттэн олус уһуур эбээт.
• Кыратык да муҥатыйар, мунчаарар санааны барытын утары сабыта охсон иһиэххэ. Киһи мөлтөх, уйан өттө баһыйдар эрэ — киһи бүтэр.
• Чэпчэки суол сыаната эмиэ чэпчэки. Амма Аччыгыйа
• Дьон барылара сүрэхтэринэн муударай эбиттэрэ буоллар, сир үрдүгэр бары куһаҕан, сидьиҥ быһыы төрүт суох буолуо этэ.
• Ол эрээри икки атах сүрэҕин, өйүн хараҕа сотору аһыллыа, айбыт айылҕаны кэбилээһин — олорор мутугун кэрдинии буоларын өйдүө.
• Бэйэ-бэйэлэрин уонна бэйэлэрин курдук бары тыыннаах харамайдар хааннарын, харахтарын уутун тохпот буоллахтарына эрэ икки атахтар дьиҥнээх Киһи буолуохтара.
• Соҕотохсуйуу диэн ханнык да ыарыытааҕар ынырык ыарыы буолар. Иван Гоголев
• Бастаан сүһүөххүн ыллардаргын эрэ, сааһыҥ тухары сүһүөххүн булуоҥ суоҕа. Суорун Омоллоон
• Киһини үксүгэр олус үлүһүйүү иэдэтэр буоллаҕа — сэрэх сүтэр, куттал умнуллар.
• Бу Орто аан Ийэ дойдуга өлөрсүүттэн-кыргыһыыттан ордук куһаҕан туох да суох буолар эбит.
• Туох да буор-босхо кэлбэт.
• Сороҕор кыра даҕаны суол быаланан-туһахтанан, ыраатан-улаатан барар буоллаҕа эбээт!
• Көҥүлү күөмчүлэтэртэн ордук ыарахан, онтон ордук куһаҕан, онтон ордук кыһыылаах-абалаах, ама, туох баарый?! Далан
• Ханнык да киһи урут билбэтэҕин эмискэ көрө охсоот, үтүөтүн-мөкүтүн тута быһаарбата биллэр. Дьиҥнээх сыаналааһын үгүс ыараҥнатар толкуй кэнниттэн, ураты көрүҥҥэ харах үөрэммиттин, өй эйэлэспитин кэнниттэн биирдэ кэлэр. Николай Лугинов
• Биир киһи баламат быһыытынан

Буруйдуу санаама бар дьоҥҥун. Наталья Харлампьева

• Ордугумсах киһи биир да үлэни ис дууһатынан суобастаахтык, кэскиллээхтик, үйэлээхтик оҥоро сатаабат. Оҥорор да кыаҕа-дьоҕура суох. Ордугумсах дьон дууһаларын түгэҕэр олохтон астыммат буолуу сыыйа-баайа үөскүүр уонна улам-улам улаатан иһэр. Михаил Алексеев