Этиҥ охсубут маһа

Этиҥ охсубут маһын былыр былыргыттан ытык арчы диэн ааттыыллыр. Арчы — диэн ыраастанар туом, уонна тэрил. Аан Дьааһын тойон бэлиэтээн ааспыт маһыгар мээнэ утары хааман тиийбэккин. Оргууй аҕай, ыраахтан төгүрүччү сэмээр хааман чугаһыыгын, төгүрүччү хаамтарар буоллаҕына, уопсайынан мас мас барыта бэйэтэ киллэрэр ыллыктаах буолар. Ону мас хайдах үүнэн турарыттан, хайдах сиргэ турарыттан, тостубут лабаалара хайдах түспүттэриттэн көрөн киирэҕин. Тымтык мас ылар санаалаах буоллаххына -кэпсэтэн, бэлэх утары уунан баран кэтэһэҕин. Бэлиэ биэриэ: сып сылаас салгынынан кууһуо, наһаа үчүгэй сыт кэлиэ, чэп — чэпчэки буолаан хаалыаҥ. Оччоөуна — кеҥүл биэрдилэр диэн санаа кэлэр. Ылан баран тиэрэ эргийэн барбаккын. Махтанан сүгүрүйэн, тоҥхойон баран үстэ кэннин диэки атыллаан баран бараҕын. Сорохтор уон хардыыны көхсүгүнэн оҥороҕун диэччилэр.

Сорох дьон бара сатаан этиҥ охсубут маһа бастакы эрэ сылыгар, сорохтор 2 сыл «үлэлиир» — диэччилэр. Мин билэрбинэн эмэҕирэн бүтүөр диэри көмөлөһө турар. Хайдах ыларгын барытын этиниэхтээххин — эмти охсон, тоһутан дуу. Мин Мас Бэйэтэ төһөнү биэрэринэн ыла сатыыбын. Бүгүн биир тымтык, сарсын биир хардаҕас.

Сорох сиргэ этиҥ маһы оҕустаҕына саламанан киэргэтэн, бэлэх биэрэн, махтанан туом оҥорооччулар.