И.А. Аргунов аатынан Ытык Күөл киин бибдиотеката «Таатта буойун суруйааччылара» улуустааҕы викторинаны биллэрэр.

Ыытыллар кэмэ: кулун тутар 1 күнэ — муус устар 14 күнэ

Сыала — соруга:

— Таатта буойун суруйааччыларын олохторун, айар үлэрин дириҥник үөрэтиигэ уонна билиигэ угуйуу;

—   Нэһилиэнньэни ааҕыыга көҕүлээһин.

Кытталлар: викторинаҕа ким баҕалаах барыта кыттар. Оҕолорго уонна улахан дьоҥҥо түмүк тус-туһунан тахсар.

Түмүгү таһаарыыга учуоттанар:

 —   Эппиэт чуолкайа, өйдөнүмтүө буолуохтаах;

 — Кыайыылаахтар тэҥнэһэр түгэннэригэр ким урут эппиэт киллэрбитэ учуоттанар.

Үлэлэри кулун тутар 31 күнүгэр диэри mtsbst@mail.ru электроннай аадырыска ыытаҕыт, эбэтэр нэһилиэккитигэр баар библиотека үлэһитигэр тиксэриэххитин сөп. Кыттааччы толору аата, төлөпүөнүн нүөмэрэ, ханнык нэһилиэктэн сылдьара ыйыллар.

Наҕараадалааһын: Кылаан кыайыылаахтарга грамота уонна  өйдөбүнньүк бириистэр туттарыллыахтара. Кыттааччыларга барыларыгар Туоһу сурук электроннай көрүҥүнэн ыытыллар.

Түмүк тахсар кэмэ:  муус устар 25 күнэ.

Тэрийэр бөлөх

 

«Таатта буойун суруйааччылара» улуустааҕы викторина ыйытыылара

 

Иннокентий Илларионович Эртюков

1. Иннокентий Илларионович ииппит аҕатын аата?

2. И. Эртюков ханнык нуучча суруйааччытын остуоруйатын тылбаастаабытай?

3. Атаспыт алтан көмүс уҥуоҕун

Аргыый санныга сүгэммит,

Атын дойду ардайдаах ыар буорун

Анныгар кистии көмөммүт

Хаалларбыппыт даҕаны иннигэр

Дьэргэйэр илиҥҥи саһарҕа

Бастаан тырымныыр сиригэр

Сытыахтын доҕорбут уҥуоҕа…

Бу бэйиэт ханнык хоһоонуттан быһа тардыыный?

4. …Хорсун гвардеец герой куората

Үлэ, буойун, бэрдэ албан аат

Үүнэн тахсар чулуу куората!..

Ханнык герой куоракка анаммыт хоһоонуй?

5. Иннокентий Эртюков Аҕа Дойду сэриитин охсуһуу суолун ханна түмүктээбитэй?

6. …Үс саллаат курдук чынаһаннар

Тураллар мас остуолбалар,

Сэриигэ сылдьан, сылайаннар,

Үс доҕотторум сыталлар.

Бу кимнээххэ анаабыт хоһооной?

7. Бэйиэт кыргыһыы хонуутугар сылдьан суруйбут ырыаларын-хоһооннорун хомуурунньуга хас сыллаахха, туох диэн ааттанан тахсыбытай?

8. Кини хас сыллаахха Аҕа Дойду сэриититтэн дойдутугар төннүбүтэй?

9. Иннокентий Эртюков Суорун Омоллооннуун ханнык опера либреттотын айбытай?

10. И. Эртюков тиһэх айымньыларын ханнык куоракка сылдьан айбытай? Ол хоһоонноро түмүллэн киирбит кинигэтин аата?

 

  Макар Иванович Кузьмин – Макар Хара

1. М. И. Кузьмин төрөппүттэрин ааттара?

2. Макар Хара төрөөбүт алааһын аата?

3. М. И. Кузьмин – Макар Хара кэргэнин аата?

4. Макар Хара туһунан «Үүннэ, инники кэккэҕэ таҕыста» диэн маннык ким суруйбутай?

5. Макар Хара Владимир Маяковскай ханнык хоһоонун тылбаастаабытай?

6. Бу кимий?

7. Күндү буолар да этэ

Сайылыгым күөх ньуура.

Көрү-нары тэнитэн

Оҕо-уруу оонньуура

Чэчир ойуур аттыгар

Киэһээ аайы мустарбыт

Алтан оттоох кырсыгар

Кылыйсарбыт, тустарбыт.

Бу ахтар сайылыгын аата?

8. Көмүһүөм, күүт миигин,

Күүт миигин күн ахсын.

Көрсүһүө Эйиигин

Көһүппүт күн тахсан…

Бу кимиэхэ анаабыт хоһооной?

9. Көрүстүм бүгүн

Көбөкөн уолун,

Оо, санаан көрүҥ

Уол ааспыт суолун.

Хоһоон аата, суруллубут сыла?

10. Макар Хара аатын Таатта улууһугар ханнык тэрилтэ сүгэрий?

 

Серафим Романович Кулачиков – Эллэй

1. С. Р. Кулачиков төрөппүттэрин ааттара?

2. С. Р. Кулачиков кэргэнин аата?

3. Серафим Романович «Эллэй» диэн буола илигинэ ким диэн псевдонимнах этэй?

4. Чычымах оскуолатын иһинэн Эллэй аатынан анал бириэмийэ хас сыллаахха олохтоммутай?

5. С. Р. Кулачиков-Эллэй Чычымах оскуолатыгар хас сыллаахха учууталынан үлэлии кэлбитэй?

6. Ыччат ыалгын ыксары,

Ыга баттыыр хараҥа.

Ытыктыыбын, табаарыс,

Ыһар сиэмэҥ-сардаҥа.

Хоһоон аата?

7. Серафим Романович бастакы хоһоонун хас сыллаахха суруйбутай? Хоһоон аата?

8. Долгун курдук куугунаан,

Сүүрүк курдук чарылаан,

Этиҥ курдук ньирилээн,

Эдэр оҕо турдубут.

Ырыа аата, хас сыллаахха суруллубутай?

9. Сэттэ уон сааһын

Ситэн бу ааһан,

Оргуйар хааннаах,

Уостубат уоттаах-

Сэтэрэн кэллэ.

Ханнык Саха народнай суруйааччыта Эллэй 70 сааһын туолуутугар анаан суруйбутай? Хоһоон аата, ааптара?

10. Хас сыллаахха народнай бэйиэт аатын ылбытай?