• Баай-дуол, үп-харчы сүүс сыл түмүллэр, үс сыл сөллөр, оттон үтүө аат – үйэлэр тухары өлбөт-сүппэт күндү кылаат.
• Норуот өйдөбүлүгэр киһи аатыттан, үтүө сураҕыттан ордук күндү, өлбөт-сүппэт уһун үйэлээх туох да суох.
• Киһи биирдэ куһаҕаны оҥорбута сааһыҥ тухары санааҕын, сүрэххин дьэбин курдук сии сылдьыах быһыылаах. Ыраас суобас эбит, быһыыта, саамай сынньалаҥ сыттык.
• Бар дьонун туһугар дириҥ бэриниилээх санаалаах, төлөннөөх итии иэйиилээх киһи – ол буолуохтаах саамай күүстээх, саамай баай, саамай көҥүл киһи!
• Дьиҥ үтүө киһини “дьон киһитэ” диэччилэр. Бу бастыҥ аттестат! Дьоһун-мааны дьон киһитэ буолуҥ! Суорун Омоллоон
• Бар дьон туһугар үлэлээн-хамнаан олорбут киһи суола-сураҕа сүтүөн сатаммат.
• Үтүө, үчүгэй сураҕа суох сүтүөх, умнуллуох туһа суох.
• Күн сиригэр төлөммөт иэс суох. Софрон Данилов
• … үтүө ааты алдьатар мөкү сурах тарҕанара дөбөҥ эрээри, ону төттөрү хомуйар ыраах буолуо. Николай Лугинов
• Киһи өйүнэн-санаатынан эрэ улуу буолбат быһыылаах, сүрэҕинэн эмиэ улуу буолуон сөп эбит.
• Үөрүнньэҥ киһи хайаан да амарах, аһыныгас буолар.
• Мин санаабар, бастыҥ баай – дьон ытыктабыла, ыраас суобас.
• Суобас диэн киһиэхэ тыынар салгынын тэҥэ.
• Уордаах улуу муораны

Кыра тыылар туораабаттар,

Улуу, үтүө дьыаланы

Оҥорботтор куттастар. Иван Гоголев-Кындыл

• Уһулуччулаах дьоннор өлбөт-сүппэт үтүө дьыалаларынан…бар дьон өйүгэр тыыннаах сылдьаллар.
• Аан дойдуга туохтан да үчүгэй – эйэ, туохтан да куһаҕан – иҥсэ.
• Дьиҥ күүстээх уонна дьиҥ кэрэ хаһан да айдаана-дарбаана суох, сэмэй буолааччы.
• Киһини сааһын тухары махтаннарар үтүө-өҥө төһө харчыга турарынан буолбат, хаһан уонна хайдах оҥоһуллубутунан буолар.
• Суобас диэн сур соноҕос буолбатах эбээт, кини уларсыкка сылдьыбат.
• Үтүө киһи ылбычча да соҕуһу тупсара, киэргэтэ сылдьар идэлээх. Амма Аччыгыйа
• Үтүө киһи хаһаас кэриэтэ өрүү туһалах. К.Д. Уткин – Нүһүлгэн
• Бэйэтэ үтүө киһи атын киһиэхэ бастаан үтүөнү оҥорор үгэстээх. Ол киһи, биллэн турар, эйиэхэ эмиэ оччолооҕу оҥоруо турдаҕа. Б.Н. Попов
• Ким баай дууһалаах –

Ол бараммат баайдаах! Леонид Попов

• Киһи туһугар олорор, киһи туһугар охсуһар, киниэхэ дьиҥнээхтик дьулуһар киһи барыны кыайар, ол иһигэр тус бэйэтигэр тосхойор эрэйи-муҥу, ыар сүтүгү тулуй арга дохсун күүһү булунар. Амма Аччыгыйа
• Киһи барыта үчүгэйдээх,
  Хайаан да туох эрэ кэрэлээх,
  Ханнык даҕаны бүтэйбиккэ
  Туох эмэ да кыламныыр эбээт. Сардаана Амгинская
• Килбиэн көмүс киртийбэт,

Киһи бэрдэ кэхтибэт.

• Дьоҥҥо үтүөнү оҥоруу –

Дьоллоох буолары оҥостуу