738 просмотров

Кырдьык

• Кырдьыктан кыыһырар сатаммат, кырдьыгы кыыһыран кыайбаккын.
• Кырдьыктан саатыахха сатаммат.
• Кырдьыгы аанньа ахтыбат, кырдьыгы сиргэ-буорга тэпсэр киһи кырдьыксыт дьону иитиэн сатаммат.
• Кырдьыгы утары өрөлөһөн кыайбыт суох. Кырдьык мэлдьи кыайар.
• Дьиҥнээх олоххо, ардыгар, сымыйаны кырдьыктан араарар күчүмэҕэй. Сымыйа кырдьык мааскатын кэтээччи. Оччоҕо кырдьыктааҕар да ордук кырдьык буолан көстөөччү. Софрон Данилов
• Кырдьыгы начааскыга эрэ саба баттыахха сөп, оттон суох гыныахха сатаммат.
• Кырдьык хаһан да үйэлэр буруоларыгар мунуо суоҕа. Суорун Омоллоон
• Кырдьык кимиэхэ да балыйтарбат, сырдык туохха да хаххалаппат, ньургун сүрэх туохтан да дьулайбат. Амма Аччыгыйа
• Икки атах тугу эмэни хайдах да кыһанан, төһө даҕаны кистии-саба сатаабытын иһин, ол хайаан да биллиэхтээх, иһиллиэхтээх. Биирдэ санаан көрдөххө, оннук да буолуохтаах. Бар дьон көрдүннэр диэн харахтаах, иһиттиннэр диэн кулгаахтаах, кэпсээтиннэр диэн тыллаах буолан айыллыбыттар. Ким барыта көстүбэти ордук көрө, биллибэти ордук билэ сатааччы. Таайыы-сэрэйии, хоп-сип, омун-төлөн үөскээһинэ онтон төрүттээх…
• Туох барыта кэмнээх-кэрдиилээх, уһуктаах-муҥурдаах буолуохтаахю Онон куһаҕаны үчүгэй, сымыйаны кырдьык кыайыахтаах. Кырдьыктан ордук күүстээх туох да суох! Күннүк Уурастыырап
• Кырдьык, хайдахтаах да буолбутун иһин, ханнык да сымыйатааҕар быдан ордук.
• Төһө даҕаны ыарын иһин кырдьык сымыйатааҕар, биллэр биллибэттээҕэр күтүр ордук.
• Тугу да оҥорбут барыта биллэр. Далан
• Дуйдаах сымыйатааҕар хобдох кырдьык ордук туһалаах. Иван Гоголев
• Солуурдаах уу хонноҕуна,
  Сөҥөр, ырааһырар…
  Күн-дьыл тумана аастаҕына,
  Кырдьык көстөр, кылбайар.
  С. Тумат
  • Хайдахтаах да үрдүк хайа
  Күнү бүөлүү хаххалаабат,
  Хайдахтаах да чараас сымыйа
  Кырдьык үрдүгэр дагдайбат.
  И. Брызгалов
  Түөкүн эрэнэр мэлдьэҕэр,
  Көнө – кырдьык күүһүгэр.
  “Алгыстар” 
• Кырдьыгы хайаа даҕаны –
  Кылбайан тахса туруоҕа.