Тааттатааҕы кииннэммит библиотечнай ситим үлэһиттэрин профессиональнай союзтарын 2010-2015 сыллаах үлэтин отчуота.

Отчуоттанар кэм устата тэрилтэ 2011 сыллаахха бигэргэтиллибит №10, 2014 сыллаахха ыам ыйын 30 күнүгэр бигэргэтиллибит №5 Коллективнай дуогабардарынан сирдэтэн  үлэлээтэ. Сүнньүнэн үлэһит быраабын көмүскээһин, нэһилиэк олоҕор кыттыһыы, үлэһиттэр юбилейдарын тэрийии, сынньалаҥнарын тэрийии, доруобуйаларын тупсарыы хайысхаларынан үлэлээтэ.

2014 сыллаахха культура сылынан төрөөбүт нэһилиэкпит чэлгийэ көҕөрөрүн туһугар сибэкки рассаадаларын үүннэрэн нэһилиэнньэҕэ атыылаабыппыт  уонна Чөркөөхтөөҕү государственность музейыгар бэлэхтээбиппит. Оҕо библиотеката 20  талаҕы олордубута. «Сибэккинэн симэнэн» акцияҕа актыыбынай кыттыыны ылбыппыт.  «Хадаайы» литературнай музей территориятын ыраастааһыҥҥа, объектары сууйууга – сотууга сыл аайы  субуотунньуктарга актыыбынайдык кыттабыт.

Ветеран үлэһиттэри атаарар үтүө үгэстээхпит. Уһун кэмҥэ директордаабыт Колесова П.С., Туора Күөл филиалын сэбиэдиссэйэ Захарова Т.Е., киин библиотека абонеменын сэбиэдиссэйэ Луковцева З.А., Харбалаахтааҕы библиотека сэбиэдиссэйэ Харлампьева И.В. уһун сыллаах үлэлэрин бэлиэтээн, чиэстээн – бочуоттаан атаарбыппыт.

Үлэһиттэр  юбилейдарын тэрийэн  ыытар үтүө үгэстээхпит: отчуоттанар кэм устата 6 үлэһит үбүлүөйүн тэрийдибит.

Үлэһит быраабын көмүскүүрү  ытык иэспит курдук санаан Национальнай библиотека специалистара, профсоюз рескомун салайааччылара кэллэхтэринэ консультациялары, коллективы кытта көрсүһүүлэри  тэрийэбит.

Үлэһиттэр сынньалаҥнарын тэрийии: хас биирдии бырааһынньык үлэһит профессиональнай таһыма үрдүүрүн курдук ыытыллар. Ол курдук Алампа, Ойуунускай, кыайыы 65 сылларыгар творческай куонкурустардаах Библиотека күннэрин ыыппыппыт.

Культура сылыгар ыаллыы Чурапчы улууһун библиотекардарын ыныран Государственность музейын территориятыгар ыныран доҕордуу көрсүһүүнү тэрийэн, саҥа саҕалааһыны олохтоотубут. Кэлэр сылга Чурапчылартан ыҥырыы күүтэбит.  2013 сыллаахха ийэлэр күннэригэр 3 игирэ оҕолордоох ийэлэрбитин бочуоттаабыппыт.

Сыл аайы оздоровление харчытын актыыбынайдык хомуйан үлэһиттэрбит туһаналларын хааччыйабыт. Ол курдук анардас 2014 сылга 3 киһи туһанна. Коллегабыт Малышева М.К. ыарахан операцияҕа барбытыгар рескомтан харчы туруорсан көмөлөспүппүт.

      Тааттатааҕы КБС үлэһиттэрин

профессиональнай союзтарын    бэрэссэдээтэлэ                            Коркина С.П.      

4.03.2015