Данилов-Ородьумаан, Р.Л. Кэргэн кэпсэтии / Родион Данилов-Ородьумаан ; эрэдээктэр Е. Н. Баишева. – Москва : ИП «Егоров А.А.», 2021. –176 с.

          “Кэргэн кэпсэтии” сэһэҥҥэ сахаҕа былыргыттан олоххо буолбут үгэспит сурулунна. Кинигэҕэ киирбит кэпсээннэргэ ааптар былыргы да, быйылгы даҕаны сиэр-туом туһунан, олоххо буолбут түбэлтэлэри, баар көстүүнү ойуулаан көрдөрөр.

Татаринов, А. К. Сырдык олох иһин : ахтыылар / хомуйан оҥордо А. К. Татаринов-Хаамар Ааллаах Үүн. – Дьокуускай : Дани-Алмас, 2023. – 352 с.

          Кинигэ Таатта сирин дьонун-сэргэтин олоҕо сайдарын туһугар сэбиэскэй кэм иннинээҕи уонна ити кэм саҕаланыытын бастакы сылларыгар олорбут уонна өйдөрүн-санааларын ууран үлэлээбит Таатта улууһун үөрэхтээх дьонуну олохторун, туох үлэни ыыппыттарын туһунан Саха Республикатын Национальнай Архыыбын докумуоннарыгар олоҕуран сурулунна.

Васильева, Л. Л. Күннэй кистэлэҥ олоҕо : ахтыылар / хомуйан оҥордо Л. Л. Васильева ; киирии тылы суруйда Р. И. Бравина. – Дьокуускай : Бичик, 2020. – 240 с.

          Айылҕа барахсан оҥорботоҕо диэн суох… Ол биир дьикти көстүүтүнэн үөһэттэн үөттэриилээх, айылҕаттан айдарыылаах Күннэй Кардашевская буолар. Кинигэҕэ кини удаҕаҥҥа уһуйуллуу олуктарын хайдах ааспытын туһунан ийэтин сиһилии суруйуута, ону сэргэ эдэркээн  кыысчаана абынан-хомуһунунан эмтиир кыаҕын билбит, дьүһүн кубулуйарын, куолаһын уларытарын, салгыҥҥа уйдарарын, о.д.а. илэ харахтарынан көрбүт, эт кулгаахтарынан истибит дьон ахтыылара таҥыллан киирдэ. Таһаарыы чараас эйгэ илэ-чахчы баарыгар, айылҕа күүһүгэр итэҕэтиэҕэ.

Герасимов, А. В. Утатыы / Андрей Герасимов ; нууччалыыттан тылбаастаатылар : А. Г.  Гуринов, В. Н. Луковцев, Д. Н. Макеев. – Дьокуускай : Айар, 2021. – 272 с.

          Биллиилээх суруйааччы, литература эйгэтин үрдүкү бириэмийэлэрин лауреата Андрей Геласимов “Год обмана”, “Рахиль”, “Степные боги” уонна “Жажда” айымньылара үгүс омук тылыгар тылбаастанан Европаҕа, аан дойдуга аатырдылар. Оттон “Год обмана”, “Дом на Озерной”, “Жажда” диэн билиҥҥи кэми итэҕэтиилээхтик көрдөрөр кэпсээннэринэн уус-уран киинэлэр уһуллан, киэҥ сэҥээриини ылбыттара.

          Күндү ааҕааччы, биир дойдулааҕыҥ Андрей Геласимов  аар-саарга аатырбыт айымньыларын төлкөлөөх төрөөбүт тылгынан ааҕар, ийэ тылыҥ байҕал баайын, кэмнэммэт кэрэтин өссө төгүл итэҕэйэр кыахтанныҥ.

Иринцеева-Огдо, Е. С. Санатыма дуу, ааспыты… : сэһэн, кэпсээннэр / Огдо. – Дьокуускай : Айар, 2023. – 192 с.

          Сэһэҥҥэ эдэркээн кыыс-дьахтар туһунан суруллар эрээри, дьиҥ ис хоһооно, кистэлэҥ тыына эр хоһууннарга ананар уратылаах : «Харыстааҥ даа, кыыһы, дьахтары! Таһыттан көрдөххө чахчы да тулуурдаах, кыайыгас буолуо эрээри, кини иҥиир ситиитэ кэбирэх, кирсин дуома чараас, көрүөх бэтэрээ үрэллибит курдук эстэн түһүө, элэс гыныа! Хаһан да төннүбэттии! Өйдөөҥ даа, эрдэтинэ!». Кэс тыл, көрдөһүү көҥөс тыллара кулгаахха иһиллэргэ дылылар…