Саха сирин Суруйааччыларын сойууһа

«Таатта улууһа» мунипальнай тэриллии,

«Чолбон» сурунаал редакцията,

И.А.Аргунов аатынан Тааттатааҕы киин библиотека ситимэ

Саха литературатын тѳрүттэһээччи, комедия жанрын саҕалааччы Н.Д. Неустроев тѳрѳѳбүтэ 125сылыгар аналлаах

КҮЛҮҮ КҮҤҤЭ ТЭҤНЭЭХ

Комедияны, күлүүлээх-элэктээх драмалыы айымньыны суруйууга өрөспүүбүлүкэтээҕи айар күрэс

 Сыала-соруга:

– Суруйааччы Н.Д. Неустроев аатын үйэтитии;

– Саха драматургиятыгар саҥа ааттары киллэрии;

– Сахалыы комедия жанрыгар болҕомтону тардыы.

Сүрүн ирдэбиллэр:

– 18 үѳһэ саастаах, айар таһымыттан тутулуга суох ким баҕарар кыттар кыахтаах;

– Биир киһи биир эрэ айымньынан кыттар;

– Айымньы кѳмпүүтэргэ Word программаҕа Times New Roman шрибинэн (14 размер, 1,5 интерваллаах) бэчээттэммит буолуохтаах;

– Ааптар толору аата, псевдонима, тѳрѳѳбүт сыла, дьарыга (идэтэ), аадырыһа, тѳлѳпүѳнэ, электроннай аадырыһа толору ыйыллыахтаах;

– Айымньы бэчээттэммитинэн 5-15 сирэй буолуохтаах.

– Күрэскэ кыттыы 200 солк. тѳлѳбүрдээх.

Болдьоҕо:

Айымньыны 2020 сыл сэтинньи 1 күнүгэр диэри И.А. Аргунов аатынан Тааттатааҕы киин библиотека ситимигэр «Күлүү күҥҥэ тэҥнээх» диэн бэлиэтээн ыытаҕыт.

Библиотека аадырыһа: Таатта улууһа, Ытык Күөл бөһүөлэгэ, Софронов уул, 9, б.т.: 8 (41152) 41-954, +79142765752, электроннай почта: cod891@yandex.ru

Кыайыылаахтары бэлиэтээһин:

– Бастыҥ айымньы ааптардарыгар дипломнар уонна сыаналаах бириистэр туттарыллыахтара. Кыттыы иһин туоһу сурук электроннай почтанан ыытыллар;

– Бастыҥ айымньылар “Чолбон” сурунаалга бэчээттэниэхтэрэ.