Кузьмин Макар Иванович — Макар Хара төрөөбүтэ 105 сыла

Муус устар 26 күнүгэр

Кузьмин Макар Иванович — Макар Хара

поэт, тылбаасчыт, Аҕа Дойду Улуу сэриитин кыттыылааҕа

төрөөбүтэ 105 сыла

1915 сыл муус устар 26 күнүгэр Байаҕантай улууһун Уолба нэһилиэгэр төрөөбүт. Дьокуускайга тыа хаһаайыстыба техникумугар уонна Москва куоракка журналистика коммунистическай университетыгар үөрэммит. 1932 сыллаахха Бастакы Өрөспүүбүлүкэ рабселькордар мунньаҕар кыттар, ол кэнниттэн журналистика үлэтигэр барбыт. 10 тахса сыл «Кыым» хаһыат тыа хаһаайыстыба салаатын сэбиэдиссэйинэн үлэлээбит. 1938—1939 сыллардаахха Саха Сирин суруйааччыларын Сойууһугар сэкрэтээрдээбитэ. «Хотугу сулус» сурунаалга үлэлээбит.

Сэрии саҕаламмытыгар Макар Кузьмин Кыһыл Аармыйаҕа политүлэһитинэн 1943 сыл атырдьах ыйыгар дылы 258-с зенитно-артиллерийскай дивизияҕа сулууспалаабыт. Взвод командирынан, рота командирын солбуйааччытынан сылдьыбыт, Белоруссияны, Прибалтиканы уонна Польшаны босхолооһуҥҥа кыттыбыт. Ыараханнык бааһыран, контузия ылбыта. Хас да бойобуой наҕараадалардаах. Фроҥҥа Макар Хара саанан-саадаҕынан өстөөхтөрү сууһарарын таһынан өссө уус-уран тыл күүһүнэн эмиэ охсуспут. Сынньалаҥ кэмигэр хоһоон хоһуйан «Кыым »хаһыакка ыытара, саха дьонун фроҥҥа көрүстэҕинэ суруктарын тэрийэн эмиэ хаһыакка ыытар эбит. Поэт сэрии, буорах сыттаах хоһоонноро «Кыым» хаһыакка тиһигин быспакка кэриэтэ бэчээттэнэллэрэ уонна оччотооҕуга тута кэриэтэ ырыа буолан радионан толоруллан, киэҥ Саха Сирин тилийэ көтөллөрө.

Макар Хара кинигэлэрин бу ссылканан киирэн ааҕыҥ