Сэтинньи 8 күнүгэр киин библиотекаҕа Иван Иванович Бочонин уонна Егоров Николай Иванович – Баайаҕыын улуус библиотекаларыгар илии тутуурдаах кэллилэр. Ол курдук, «Алаас» кинигэ кыһатыгар Егоров Н.И. – Баайаҕыын «Саха саата-саадаҕа» диэн саха кыргыһыыга, булка-алка туттар сэбин-сэбиргэлин туһунан суруйбут   “Уус  Экспо” ХЭТ (сал. Идэлги Н.Р.), “Таатта автодор” ХЭТ (сал. Бочонин И.И.), «Ил Түмэн” СӨ судаарыстыбаннай мунньах  депутата Данилов И.И. үбүлээһиннэринэн  бэчээттэнэн тахсыбыт  дьоһуннаахай кинигэлэрин бэлэхтээтилэр.

Хомуурунньук Дьокуускайга атырдьах ыйын 26-27 күннэригэр буолбут  XI “Печатный двор Якутии-2022” быыстапка- ярмаркаҕа кыттан  “Альбом” номинацияҕа 3 степеннээх дипломунан бэлиэтэммитэ.

Өрүү да бэйэ бэйэлэрин ситэрсэн уонна күөртэһэн биэрэр доҕордуулар баччаҕа диэри үтүмэн үйэлээх үлэни чөмчөппүт Мандар Уус алгыһынан саҕаламмыт Баайаҕыын түмпүт үлэтэ  олоххо киирэн, саха омукка улахан бэлэх буолуо эрэнэбит.

Кинигэҕэ ааптар өр сылларга араас музейдар матырыйаалларын үөрэтэн, үгүс научнай үлэлэри ааҕан, кырдьаҕастары кытта кэпсэтэн, араас чахчыларга олоҕуран, саха саатын – саадаҕын ырытар. Саха омуга сайдан кэлбит устуоуруйатын бэйэтин санаатын, сабаҕалааһыннарын үллэстэр. Хомуурунньук-кинигэ дизайна көрөргө тупсаҕай, ис хоһоонноох гына киэргэтиллибит.     Музейга хараллан сытар экспонаттар хаартыскалара, атын омук саатын – саадаҕын кытта тэҥнээһиннэрэ ааҕааччыны сэҥээрдиэхтэрэ.
  Айымньылаах үлэҕэ ыҥырар-угуйар бэртээхэй  альбом аныгы кэнчээри ыччакка ананан тахсыбыт. Киин библиотека үлэһиттэрин  аатыттан кинигэ тахсыытыгар  көмөлөспүт  уонна биир дойдулаахтарыгар бэлэхтээбит Иван Иванович Бочониҥҥа, ааптарга Баайаҕыыҥҥа   барҕа махталбытын тиэрдэбит уонна чэгиэн-чэбдик туругу, этэҥҥэ буолууну баҕарабыт!!!