Суруйааччы Реас Кулаковскай төрөөбүтэ 110 сылыгар аналлаах куонкурустарга кыттаргытыгар ыҥырабыт.

🌿🌿🌿🌿🌿🌿🌿🌿🌿🌿🌿
Арассыыйаҕа Дьиэ кэргэн, өрөспүүбүлүкэҕэ Оҕо сылларынан, поэт, прозаик, ССРС суруйааччыларын сойууһун чилиэнэ
Реас Алексеевич Кулаковскай
төрөөбүтэ 110 сылыгар аналлаах
«Арыйаас алгыстаах аартыгынан»
ыытыллар аһаҕас тэрээһиннэр
БАЛАҺЫАННЬАЛАРА

🌿 Тэрийээччилэр: Улуустааҕы норуот айымньытын дьиэтэ, И.А. Аргунов аатынан Ытык Күөл киин библиотеката.

🌿 Буолар күнэ: 2024 с. бэс ыйын 15 күнэ, күнүс 14 ч.
🌿 Буолар сирэ : Таатта улууһа, Ытык-Күөл с., Хадаайы ыһыахтыыр сиригэр 1 түһүлгэ.

🌿 Сыала-соруга:
-Поэт, прозаик, ССРС суруйааччыларын Сойууһун чилиэнэ
Р. А. Кулаковскай аатын, айымньыларын үйэтитии;
-Ийэ тылга тапталы иҥэрии;
-Саҥа талааннары арыйыы.

✅ I. «Айар аартык күлүүһүн арыйдахха…» Р.А. Кулаковскай айымньыларын ырытыыга аһаҕас күрэс.

1.1 Аһаҕас күрэс биирдиилээн, кэтэхтэн ыытыллар (Кыттааччы сааһа 17 үөһээ).
1.2 Р. А. Кулаковскай айымньыларыттан талан ааҕан баран, бэйэтин санаатын суруйар.
1.3 Кыттыы босхо
1.4 Сайаапкаҕа кыттааччы толору аата (псевдонима), төрөөбүт сыла, улууһа, нэһилиэгэ, төлөпүөнэ, электроннай аадырыһа толору ыйыллыахтаах.
1.5 Үлэлэри ыам ыйын 20 күнүттэн бэс ыйын 10 күнүгэр диэри электроннай почтаҕа ыытаҕыт. Билсэр телефон: 89142319915. Киин библиотека электроннай почтата: cod891@yandex.ru ( «Ырытыы Р. Кулаковскай» диэн суруйан ыытаҕыт)
1.6 Бастыҥ ырытааччылар электроннай Дипломнарынан наҕараадаланыахтара:
— 1,2,3 миэстэ
— Анал ааттар иҥэриллиэхтэрэ
1.7 Түмүк ыһыах күн, бэс ыйын 15 күнүгэр тахсыаҕа.

✅ II. «Айымньы кынатыгар уйдаран…» дьиэ кэргэнинэн ааҕыы күрэһэ.

2.1 Дьиэ кэргэнинэн ааҕыы күрэһэ (эбээ, эһээ, сиэн, аҕа, ийэ, оҕо кытталлар). Кыттааччы ахсаана иккиттэн кырата суох буолуохтаах.
2.2 Саастарынан хааччах суох (ким баҕалаах кыттыыны ылар)
2.3 Кыттыы босхо
2.4 Кыттааччылар Р. А. Кулаковскай айымньыларыттан талан, өйтөн ааҕаллар. (Муусуканан доҕуһуол, көстүүм биһирэнэр. Айымньыны арыйыы, уус-ураннык ааҕыы сыаналанар).
2.5 Сайаапкалары бэс ыйын 14 күнүгэр диэри ватсабынан ыытаҕыт. (т.89659956930) Кыттааччылар толору ааттара, саастара ыйыллар.
2.6 Кыайыылаахтар сыаналаах бирииһинэн наҕараадаланаллар:
— 1,2,3 миэстэ
— Анал ааттар иҥэриллиэхтэр

✅III. «Реас Кулаковскай ыллыгынан…» өркөн өй, тобуллаҕас толкуй блиц- оонньуу

3.1 Блиц — оонньууга биирдиилээн кытталлар.
3.2 Сааһынан хааччах суох (ким баҕалаах кыттыыны ылар)
3.3. Кыттыы босхо
3.4 Р. А. Кулаковскай биографиятыттан, айымньыларыттан ыйытыылар бэриллиэхтэрэ.

Дьүүллүүр сүбэҕэ анал хамыыһыйа үлэлиэҕэ.