Ытык Күөл киин библиотеката уонна «Таатта» хаһыат редакцията «2024 сыл бастыҥ кинигэтэ» улуустааҕы куонкуруһу биллэрэллэр. Үгэс буолбут тэрээһин быйыл уон сэттис төгүлүн ыытыллар.

Сыала-соруга:

            — саҥа кинигэлэри учуоттааһын уонна ааҕааччы киэҥ араҥатыгар тиэрдии;

            — олохтоох ааптардары көҕүлээһин, кинилэр суруйар дьоҕурдарын сайыннарыы;

            — бэчээт хаачыстыбатын тупсарыы;

            — нэһилиэнньэни ааҕыыга тардыы.

Куонкурска ааспыт 2024 сылга тахсыбыт тематыттан, ханна бэчээттэммититтэн тутулуга суох олохтоох автордар кинигэлэрэ кытталлар.

Түмүгү таһаарыыга учуоттанар:

— ис хоһооно, тематын суолтата;

— суруйуу уус-уран маастарыстыбата;

— полиграфическай хаачыстыбата;

— библиографическай ирдэбили тутуһуута.

Кыттааччылар бу дьыл ыам ыйын 15 күнүгэр диэри киин библиотекаҕа кинигэлэргитин тиксэрэргитигэр ыҥырабыт. Киирбит кинигэлэр быыстапкаҕа туруохтара.

Куонкуруска номинацияларынан кыайыылаах кинигэлэр быһаарыллыахтара, ааптардар «2024 сыл бастыҥ кинигэтэ» дипломнарынан, өйдөбүнньүк бириистэринэн наҕараадаланыахтара.

Биһиги аадырыспыт: Ытык Күөл, Ленин уул. 19 (Албан аат музейын дьиэтэ), Киин библиотека, тел. 41-954, 89142587339.