Балыыһа

1913 с.– бастакы эмтиир пуун аһыллыбыт. Биэлсэринэн Бартенев Д.И. сылдьыбыт.

1930 с.– акушерскай пуун аһыллыбыт.

1931 с. от ыйыгар АКК (Кыґыл Кириэс) сүнньүнэн  фельдшерскэй пуун тэриллибит.

            Маҥнайгы биэлсэринэн Г. И. Колодезников (1931-1933), акушерканан Винокурова (1931-1932), Никифорова Анфиса Иоакимовна (1932-1934) үлэлээбиттэрэ.

1989 с. врачебнай амбулатория буолбута.

            Өр сылларга  биэлсэринэн үлэлээбиттэрэ: ССРС доруобуйатын харыстабылын туйгуна, Таатта улууһун Бочуоттаах гражданина  Неустроева Т. Е., СР доруобуйа харыстабылын туйгуннара Мордовская Л.И., Неустроева Э.А. Сиэстэрэнэн уһуннук үлэлээбиттэрэ: Филиппова Т.В., Варламова Т.П., Налыяхова С.А., Аввакумова С.Н. уо.д.а.  Араас сылларга бырааһынан үлэлии сылдьыбыттара: Старостина С.П., Корякин А.Е., Андреев В.В., Сивцева Л.Г. Биир дойдулаахпыт, РФ доруобуйатын харыстабылын үтүөлээх улэһитэ Малышева В.Г. Харбалаах участковай балыыһатыгар кылаабынай бырааһынан үтүө суобастаахтык үлэлээбитэ.

Билигин Чычымахтааҕы врачебнай амбулаторияҕа үлэлии сылдьаллар: Шуткин Б.А, Аввакумова Л.В., Бочонина О.К., Аввакумова М.П., Хоноруин А.Ф.