• Балык ыамнаах, киһи күннээх, бу Орто Аан Ийэ дойдуга тыыннаах сылдьар устатыгар үчүгэйдик олорон ааһар – ким барытын баҕата. Далан
• Киһи-киһи төрүөҕүттэн анала тус-туһунан. Далан
• Туох барыта аналынан буолуохтаах: көтөр кынаттаах – көттүн, сүүрэр атахтаах – сүүрдүн. Алампа
• Туох барыта аналынан буолуохтаах: көтөр кынат- таах — көттүн, сүүрэр атахтаах — сүүрдүн! Алампа
• Киһи көхсүгэр көстө сылдьар кыната суох. Кини сытыы кыната – өйүн, сүрэҕин дьулуура.
• Олоххо бүтүннүүтүгэр, бары бытархай ымпыктарыгар тиийэ, киһи наар үчүгэйгэ тардыстар, үрдүккэ дьулуһар. Амма Аччыгыйа
• Бу сиргэ киһи киһи буолбутун төрдө кини икки улуу күүһү: уоту уонна тылы – баһылаабытыгар сытар. Күннүк Уурастыырап
• Дьиҥэр, киһи кэрэни кэрэхсиирин, үчүгэйтэн үөрэрин, куһаҕантан хомойорун тухары эрэ тыыннаах сылдьар эбээт.
• Киһи бар дьоҥҥо туһалыырын тухары – киһи.
• Бар дьон, норуот дьолун туһугар охсуспут, үлэлээбит эрэ киһи үчүгэй олоҕу олордум диэн сөп.
• Норуот туһугар үлэлээтэрбин диэн дьулуһар киһи тугу баҕарар кыайар, тугу баҕарар тулуйар кыахтаах.
• Киһи төһө үчүгэйдик, туһалаахтык олорор да, өлөрүгэр аһыйар дьоно соччонон элбэх буолааччы.
• Бу дойдуга киһи арҕахтаах эһэ кэриэтэ уйа хастан сылаастык утуйар, тото аһыыр, маанытык таҥнар туһугар төрөөбөт, бар дьон туһугар үлэлээри, айаары төрүүр. Бэл, үөн-көйүүр көннөрү олорон ааспат – тиһэх мүнүүтэтигэр диэри туһалаан дуу, буортулаан дуу өлөр.
• Сытынньаҥ мас кэриэтэ тугу да сылыппакка, аҥаардас буруону эрэ таһааран сыыгыныы сытыахтааҕар куруҥ тиит курдук кылгас да кэмҥэ илгэ сылааһынан сырайан, күлүбүрэччи умайан бүппүт ордук. Софрон Данилов.
• Ким барыта, туох барыта тардыһардаах-талаһардаах, тэҥнэһэрдээх-кээмэйдэнэрдээх, эккирэтиһэрдээх-куотуһардаах, дьулайардаах-куттанардаах, үөрэрдээх-таптыырдаах, үөхсэрдээх-өстөһөрдөөх, ымсыырардаах-баҕарардаах буоллаҕына эрэ, олоҕун кыһата күөртэнэн, күөдьүйэн, күүдэпчилэнэн тахсар эбээт. Соҕотох хайаан бэйэтин бэйэтэ күөртэниэй – сайдар суола кылгас. Мандар Уус
• Бу аан ийэ дойдуга киһи бииһин ууһа, дьон-норуот аймаҕа үйэтин тухары үчүгэйгэ эрэ үлүһүйэр, ырааска эрэ ымсыырар, дьолго эрэ дьулуһар.
• Сорох киһи киэҥи, ырааҕы, улаханы дьылҕалыыр, оттон сорох дьиэ эргиннээҕинэн эрэ дьарыктанан тахсар. Суорун Омоллоон
• Киһи аҕыс кырыылаах буолуохтаах,

Кылыстыы кылбаҥныы оонньуохтаах!

Арылыйар кустук дьэрэкээнин ылыахтаах,

Үйэлэри үрдүнэн хардыылаан иһиэхтээх! Сергей Васильев-Борогонскай

Норуотун, бар дьонун туһугар олоруу, үлэлээһин — киһи үрдүк анала. Михаил Ефимович  Николаев

• Киһи дьон ортотугар олорор, киһи дьоҥҥо, уопсастыбаҕа, дьиэ кэргэнигэр мэһэйдээбэт курдук олоруохтаах. Киһи эйгэтэ үчүгэй буоларын туһугар туруулаһыахтаах. Киһи ол да туһугар дьонтон, норуоттан тэйиэ суохтаах, дьону абааһы көрүө, бэйэтиттэн тэйитиэ суохтаах. Хас биирдии киһи оннук сиэрдээх буоллаҕына, уопсастыба бүттүүнэ оннук буолуо.Эдьиий Дора