Таатта улууһугар библиотечнай үлэ сайдыытыгар сүдү кылааттарын киллэрбит, библиотека нэһилиэнньэҕэ суолтатын үрдэтэн ааҕааччы киэҥ араҥатын билии суолугар угуйан сирдээбит бэтэрээннэрбит эҕэрдэлэрэ уонна ахтыылара.

Антоева Анастасия Петровна. ССРС култууратын туйгуна, Уус Амма нэһилиэгин бочуоттаах олохтооҕо Анастасия Петровна Антоева оройуоҥҥа биир бастакынан библиотекарь үрдүк анал үөрэҕин Улан-Үдэтээҕи культура институтугар бүтэрбитэ.

Бочорукова Христина Николаевна. Библиотечнай үлэ, тыыл бэтэрээнэ, үгүс көлүөнэ оҕо-аймаҕы билии суолунан сирдээбит ытыктыыр наставникпыт Христина Николаевна Бочорукова Таатта оройуонун библиотекатыгар 1959 сылтан 1986 сылга диэри үлэлээбитэ.

Винокурова Мария Гаврильевна. ССРС култууратын туйгуна Мария Гаврильевна Винокурова курдук үлэтин киниискэтигэр биир эрэ суруктаах киһи аҕыйаҕа буолуо.

Дьячковская Светлана Павловна. ССРС култууратын Светлана Павловна Дьячковская оҕо-аймах сөбүлээн сылдьар сиригэр — оҕо библиотекатыгар 1980 с. үлэлии киирбитэ.

Заболоцкая Федора Васильевна. СР култууратын туйгуна Федора Васильевна Заболоцкая Игидэй нэһилиэгин библиотекатыгар отуттан тахса сыл устата таһаарыылаахтык үлэлээбитэ, 1997 с. улууска Сыл бастыҥ библиотекара ааты ылбыта.

Захарова Мария Саввична. Култуура туйгуна Мария Саввична Захарова Ытык Күөл киин библиотекатыгар 20 сыл устата методиһынан, дириэктэр солбуйааччытынан, кылаабынай библиограбынан үрдүк таһымнаахтык үлэлээбитэ.

Захарова Татьяна Егоровна. СР култууратын туйгуна Татьяна Егоровна Захарова өр кэмнэргэ Туора Күөл библиотекатын таһаарыылаахтык салайбыта.

Иванова Полина Николаевна. СР култууратун туйгуна, Тааттыныскай нэһилиэк Бочуотун кинигэтигэр киирбит Полина Николаевна Иванова Ытык Күөл киин библиотекатыгар 1988 сылтан саҕалаан 33 сыл устата биир отделга — ааҕар саала библиотекарынан хорутуулаахтык үлэлээбитэ.

Колесова Полина Семеновна. СР култууратын туйгуна, «Гражданскай килбиэн» анал бэлиэ хаһаайына Полина Семеновна Колесова Тааттатааҕы кииннэммит билиотечнай ситими 20 сыл устата — 1988 сылтан 2008 сылга диэри ситиһиилээхтик салайбыта.

Луковцева Зоя Алексеевна. ССРС култууратын туйгуна Зоя Алексеевна Луковцева библиотека хорук тымыра буолар ааҕааччыны кытта үлэлиир отделы 1988 сылтан саҕалаан 22 сыл устата тэрээһиннээхтик, сатабыллаахтык салайбыта.

Маркова Мария Иннокентьевна. ССРС култууратын туйгуна Мария Иннокентьевна Маркова төрөөбүт улууһун киин библиотекатыгар 39 сыл үтүө суобастаахтык үлэлээбитэ.

Никитина Людмила Петровна. Оройуон бастакы үрдүк үөрэхтээх библиотекардарыттан биирдэстэрэ, ССРС култууратын туйгуна Людмила Петровна Никитина Ытык Күөл киин библиотекатыгар 28 сыл устата бэриниилээхтик үлэлээбитэ.

Саввина Аграфена Серафимовна. Үлэ бэтэрээнэ Аграфена Серафимовна Саввина оҕо библиотекатыгар оруобуна үйэ чиэппэрэ — 25 сыл устата хотуулаахтык үлэлээбитэ.

Унарова Анна Семеновна. ССРС култууратын туйгуна, Октябрьскай нэһилиэк бочуоттаах олохтооҕо Анна Семеновна Унарова таптыыр идэтигэр олоҕун анаан, эҥкилэ суох үлэлээбит биһиги ытыктыыр, сүгүрүйэр көлүөнэбит киһитэ.

Харлампьева Изабелла Викторовна. ССРС култууратын туйгуна Изабелла Викторовна Харлампьева Харбалаах библиотекатыгар 1979 с. үлэлии киирбитэ. Олоххо көхтөөх, үлэҕэ айымньылаах сыһыанынан дьон-сэргэ, оҕо-уруу убаастабылын тута ылбыта.