Сэтинньи 18 күнүгэр киин библиотека тэрийиитинэн СӨ үтүөлээх үлэһиттэрэ, Таатта улууһун бочуоттаах олохтоохторо Петр Семенович уонна Анна Васильевна Филатовтар олорон ааспыт олохторун, үлэлэрин, дьоҥҥо-сэргэҕэ истиҥ сыһыаннарын туһунан “Дьоммут олохторо – сирдиир сулуспут” кинигэ биһирэмэ куйаар ситимин нөҥүө буолан ааста.

Кинигэни кыыстара п.н.к., РФ үөрэҕириитин бочуоттаах үлэһитэ Н.П. Филатова хомуйан оҥорбут. Биһирэмҥэ барыта 39 киһи кыттыыны ылла. Кэпсэтиигэ салалтаттан, бииргэ үлэлээбит, алтыспыт үтүө доҕотторо, аймахтара, оҕолоро, сиэннэрэ нэһилиэктэртэн, араас улуустартан, Дьокуускай, Москва куораттан олус сылаастык ахтан-санаан биир тэтимҥэ, сырдык өйдөбүлгэ киирэн аастылар. Республика сайдыытыгар улахан үтүөлээх дьоммут олохторо оҕолорунан, сиэннэринэн салҕанар, үйэтитиллэр.

Кинигэни биһиги электроннай библиотекабытыгар киирэн ааҕыаххытын сөп “Дьоммут олохторо – сирдиир сулуспут”