Киин библиотека уонна «Таатта» хаһыат редакцията «2022 сыл бастыҥ кинигэтэ» улуустааҕы куонкуруһу биллэрэллэр. Үгэс буолбут тэрээһин быйыл уон бэһис төгүлүн ыытыллар.

Сыала — соруга:

— саҥа кинигэлэри пропагандалааһын

— олохтоох ааптардары көҕүлээһин

— кинилэр суруйар дьоҕурдарын сайыннарыы

— бэчээт хаачыстыбатын тупсарыы

Куонкуруска кытталлар: ааспыт 2022 сылга тахсыбыт тематыттан, ханна бэчээттэммититтэн тутулуга суох олохтоох автордар кинигэлэрэ.

Түмүгү таһаарыыга учуоттанар:

         — кинигэ ис хоһооно

         — суруйуу уус-уран маастарыстыбата

— полиграфическай хаачыстыба

— библиографическай ирдэбили тутуһуу

Кыттааччылар бу дьыл муус устар 25 күнүгэр диэри киин библиотекаҕа кинигэлэргитин тиксэрэргитигэр ыҥырабыт. Киирбит кинигэлэр быыстапкаҕа туруохтара.

Куонкурус түмүгүнэн бастыҥ кинигэлэргэ анал номинациялар ананаллар. Кыайыылаахтарга Дипломнар, өйдөбүнньүк бириистэр туттарыллаллар.

Биһиги аадырыспыт: Ытык Күөл, Софронов уул. 9, Киин библиотека, тел. 41-954, 89142587339, cod891@yandex.ru

Тэрийэр бөлөх