«2023 сыл бастыҥ кинигэтэ»  улуустааҕы куонкурус балаһыанньата

Киин библиотека уонна «Таатта» хаһыат редакцията «2023 сыл бастыҥ кинигэтэ» улуустааҕы куонкуруһу биллэрэллэр. Үгэс буолбут тэрээһин быйыл уон алтыс төгүлүн ыытыллар.

Сыала, соруга:

 — саҥа кинигэлэри ааҕааччы киэҥ араҥатыгар тиэрдии

— олохтоох ааптардары көҕүлээһин, кинилэр суруйар дьоҕурдарын сайыннарыы

— бэчээт хаачыстыбатын тупсарыы

— нэһилиэнньэни ааҕыыга тардыы

— библиотека фондун хаҥатыы

Куонкурска кытталлар: ааспыт 2023 сылга тахсыбыт тематыттан, ханна бэчээттэммититтэн тутулуга суох олохтоох автордар кинигэлэрэ.

Түмүгү таһаарыыга учуоттанар:

 — ис хоһооно, тематын суолтата

 — суруйуу уус-уран маастарыстыбата

— полиграфическай хаачыстыбата

— библиографическай ирдэбили тутуһуута

Кыттааччылар бу дьыл муус устар 29 күнүгэр диэри киин библиотекаҕа кинигэлэргитин тиксэрэргитигэр ыҥырабыт. Киирбит кинигэлэр быыстапкаҕа туруохтара.

Куонкурус кыайыылаахтара «2023 сыл бастыҥ кинигэтэ» Дипломнарынан, өйдөбүнньүкк бириистэринэн наҕараадаланыахтара.

Биһиги аадырыспыт: Ытык Күөл, Ленин уул. 19 (Албан аат музейын дьиэтэ), Киин библиотека, тел. 41-954, 89142587339, cod891@yandex.ru

Тэрийэр бөлөх